«Arsenal» yarim himoyachisi Deklan Rays jamoadoshlarini mavsumning yakuniy qismida yuzaga kelayotgan kuchli bosimni xotirjam qabul qilishga chaqirdi. London klubi ayni paytda ham Angliya Premyer-ligasi, ham Chempionlar ligasi g'olibligi uchun jiddiy kurash olib bormoqda. Bu haqda Goal.com xabar beradi.
«Nyukasl» ustidan qozonilgan 1:0 hisobidagi muhim g'alabadan so'ng, «kanonirlar» turnir jadvalida peshqadamlikni qaytarib olishdi. Raysning ta'kidlashicha, Mikel Arteta shogirdlari tarixiy natija qayd etish uchun ham ichki chempionatda, ham Yevropa maydonlarida oxirigacha jang qilishga tayyor.
Angliyalik futbolchi jamoaning ruhiy holati yuqori ekanini va futbolchilar har bir o'yinga finaldek yondashayotganini bildirdi. Uning so'zlariga ko'ra, chempionlik poygasidagi hayajon va mas'uliyat jamoani yanada jipslashtirishi lozim.
Eslatib o'tamiz, «Arsenal» uzoq tanaffusdan so'ng yana oltin medallar uchun asosiy da'vogarlardan biri bo'lib turibdi. Mavsum yakuniga qadar qolgan uchrashuvlar klubning ushbu maqsadga erishishini belgilab beradi.
“Zamin”ni Telegramʻda oʻqing! 
