Argentina futbol assotsiatsiyasi mahalliy klublar iqtidorli yoshlarni erta yo'qotib qo'ymasligi uchun yangi qoida joriy qildi. Bu haqda The Athletic nashri xabar berdi. Bu haqda euro-football.ru xabar beradi.
Yangi tartibga ko'ra, faoliyatida Argentina klublaridan biri bilan professional shartnoma imzolamasdan turib chet elga ketgan futbolchilar milliy terma jamoalarga chaqirilmaydi.
Mamlakatda amal qiladigan «patria potestad» qonuni ota-onalarga bolalarni xorij klublariga kompensatsiyasiz o'tkazish imkonini beradi. Assotsiatsiya bunday ketishni to'g'ridan-to'g'ri taqiqlay olmaydi, biroq terma jamoada o'ynash huquqidan mahrum qilish erta transferlardan qaytaradi, degan umidda.
Qiziq tomoni shundaki, agar bu qoida avvalroq kuchga kirganida, Lionel Messi, Emiliano Martines va «albiseleste»dagi yana bir qancha hozirgi futbolchilar xalqaro maydonda o'z vatanini emas, boshqa terma jamoani tanlashga majbur bo'lishi mumkin edi.
“Zamin”ni Telegramʻda oʻqing!
