Аргентина футбол ассосиацияси маҳаллий клублар иқтидорли ёшларни эрта йўқотиб қўймаслиги учун янги қоида жорий қилди. Бу ҳақда The Athletic нашри хабар берди. Бу ҳақда euro-football.ru хабар беради.
Янги тартибга кўра, фаолиятида Аргентина клубларидан бири билан профессионал шартнома имзоламасдан туриб чет элга кетган футболчилар миллий терма жамоаларга чақирилмайди.
Мамлакатда амал қиладиган «patria potestad» қонуни ота-оналарга болаларни хориж клубларига компенсациясиз ўтказиш имконини беради. Ассосиация бундай кетишни тўғридан-тўғри тақиқлай олмайди, бироқ терма жамоада ўйнаш ҳуқуқидан маҳрум қилиш эрта трансферлардан қайтаради, деган умидда.
Қизиқ томони шундаки, агар бу қоида аввалроқ кучга кирганида, Лионел Месси, Эмилиано Мартинес ва «альбиселесте»даги яна бир қанча ҳозирги футболчилар халқаро майдонда ўз ватанини эмас, бошқа терма жамоани танлашга мажбур бўлиши мумкин эди.
“Zamin”ни Telegram'да ўқинг!
