Santiago Bernabeu stadionida vaziyat keskinlashdi. Real Madrid prezidenti Florentino Perez Real Oviedo jamoasiga qarshi oʻyin vaqtida tribunadagi muxlislar bilan qizgʻin bahsga kirishdi. Jamoaning mavsumni sovrinsiz yakunlashi va ichki nizolar muxlislarning gʻazabini keltirib chiqargan. Bu haqda Goal.com xabar beradi.
Oʻyin boshlanishidan oldin, futbolchilar maydonga tushayotgan pallada kameralar prezidentning tribunadagi muxlislar bilan tortishayotganini muhrlab oldi. Bu holat klub rahbariyati va muxlislar oʻrtasidagi chuqur tafovutni yaqqol koʻrsatib berdi.
Stadion xavfsizlik xizmati xodimlari prezidentga qarshi qaratilgan bannerlarni olib tashlashga majbur boʻldi. Muxlislar tomonidan koʻtarilgan "Florentino, ket" va "Florentino, aybdor" kabi yozuvlar darhol musodara qilindi.
Muxlislarning noroziligi nafaqat prezidentga, balki futbolchilarga ham qaratildi. Ayniqsa, Vinicius Junior va Kylian Mbappe stadionga chiqqan vaqtlarida keskin hushtakbozlik bilan kutib olindi. Ayniqsa, Vinicius Junior toʻpga har gal teginganida muxlislar oʻz noroziligini bildirishdi.
Ushbu vaziyat Barselona bilan boʻlgan El Clasico bahsidagi yirik magʻlubiyatdan soʻng yanada kuchaydi. Mavsumning muvaffaqiyatsiz oʻtishi va jamoaning oʻyini muxlislarni qoniqtirmayapti.
“Zamin”ni Telegramʻda oʻqing!
