Arsenal klubi irlandiyalik sardor Katie McCabe joriy mavsum yakunida jamoani tark etishini rasman tasdiqladi. 30 yoshli futbolchi 2015-yildan buyon London klubi sharafini himoya qilib kelayotgan edi. Bu haqda Goal.com xabar beradi.
Oʻn bir yillik faoliyati davomida McCabe 305 ta oʻyinda maydonga tushib, 37 ta gol urishga muvaffaq boʻldi. U jamoa bilan birgalikda Angliya Premer-ligasi, Angliya kubogi hamda 2025-yilgi Ayollar Chempionlar ligasi kabi barcha nufuzli sovrinlarni qoʻlga kiritdi.
Klub direktori Clare Wheatley futbolchining jamoa tarixidagi oʻrnini alohida taʼkidlab, uning fidoyiligi va muxlislar bilan oʻrnatgan mustahkam aloqasi uchun minnatdorchilik bildirdi. McCabe Arsenal safida ikki bor mavsumning eng yaxshi futbolchisi deb topilgan.
Dublinlik futbolchi oʻzining yorqin oʻyini va chap oyogʻidagi kuchli zarbalari bilan muxlislar mehrini qozongan. Uning Arsenal safidagi soʻnggi yutugʻi 2026-yil fevralida qoʻlga kiritilgan FIFA Chempionlar kubogi boʻldi.
“Zamin”ni Telegramʻda oʻqing!
