Braziliya terma jamoasi va Madridning «Real» klubi sobiq futbolchisi Roberto Karlos 41 yoshli portugaliyalik hujumchi Krishtianu Ronalduning karyerasida 1000 gol urish maqsadi haqida fikr bildirdi. Bu haqda euro-football.ru xabar beradi.
«Ronaldu muxlislari uchun uning tarix yaratayotgani va yangi rekordlar o‘rnatayotganini kuzatish ajoyib. 1000 gol urgan yagona futbolchi Pele bo‘lgan. Ronaldu ham bu ro‘yxatga qo‘shilishi mumkin», — deya Karlosning so‘zlarini O Jogo nashri keltirdi.
Joriy mavsumda yulduz to‘purar Saudiya Arabistonidagi jamoasi safida 22 uchrashuvda maydonga tushib, 18 gol va 3 assist qayd etdi. Shuningdek, manbaga ko‘ra, Ronaldu Saudiya ligasi ichidagi transferlardan norozi bo‘lgani sabab «Al-Nasr»ning so‘nggi o‘yinlarida ishtirok etmagan.
“Zamin”ni Telegramʻda oʻqing!
