La Liganing 23-turida «Vilyarreal» – «Espanol» uchrashuvi g'ayrioddiy manzarani taqdim etdi: 87-daqiqagacha ikki jamoa umumiy hisobda darvoza to'riga atigi uch marta aniq zarba yo'llagan bo'lsa-da, tablo 4:0 ni ko'rsatib turdi. Bu haqda euro-football.ru xabar beradi.
O'yin boshida «Espanol» safida Tayris Dolan chap qanotdan uzatma berdi, Umar el-Hilali sakkiz metr masofadan to'rni ishg'ol qildi, biroq hujumdagi qoida buzilishi sabab gol bekor qilindi. 35-daqiqada «Vilyarreal» hisobni ochdi: chapdan oshirilgan to'pni Teyjon Byukenen uzoq ustun oldida pasga tushirdi, Jorj Mikautadze esa burilib turib, vole uslubida o'ng yuqori burchakka aniq zarba yo'lladi — 1:0. Oradan ko'p o'tmay Alberto Moleyro o'ngdan jarima maydoniga yorib kirib, markazga uzatma berdi, Xose Salinas Mikautadzeni to'xtatmoqchi bo'lib, to'pni o'z darvozasiga yo'naltirdi — 2:0.
50-daqiqada Moleyro markazdan Nikolas Pepeni hujumga chiqarib yubordi: forvard jarima maydoniga chap tomonga ozgina siljib kirib, 15 metrdan past zarba bilan o'ng burchakni topdi — 3:0. Ko'p o'tmay Mikautadzedan pas olgan Moleyro chap tomondan 12 metrdan uzoq burchakka aniq zarba berib, farqni yanada oshirdi — 4:0. Yakunda «Espanol» bitta gol bilan javob qaytardi: Sharl Pikel burchak to'pini oshirdi, Leandro Kabrera bosh bilan to'pni to'rga yo'lladi — 4:1.
Ushbu g'alabadan so'ng «Vilyarreal» turnir jadvalida uchinchi o'rindagi «Atletiko» bilan ochkolarini tenglashtirdi. «Espanol» esa ketma-ket to'rtinchi mag'lubiyatidan keyin oltinchi pog'onada qoldi.
“Zamin”ni Telegramʻda oʻqing!
