"Al-Nasr" bosh murabbiyi Jorje Jezush Krishtianu Ronaldu nega yaqinlashib kelayotgan uchrashuvda maydonga tushmasligini izohlab berdi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida "Arkadag"ga qarshi o'ynaydi. Portugaliyalik hujumchi tez orada maydonga qaytishi kutilayotgan bo'lsa-da, bu safar ham u qaydnomadan joy olmaydi.
Jezushning aytishicha, jamoa tig'iz taqvim sabab Ronaldu va asosiy tarkibdagi bir qator futbolchilarga dam berishga qaror qilgan. Murabbiy buning asosiy sababi sifatida oldinda turgan "Al-Fateh"ga qarshi muhim bahsni ko'rsatdi.
"Al Nassr Zone" keltirgan iqtibosda Jezush Ronalduga dam berish yangilik emasligini ta'kidladi: yulduz futbolchi Saudiya Arabistonidan tashqarida o'tadigan o'yinlarda ilk bor emas, yana bir bor ishtirok etmayapti.
Saudiya chempionatidagi "Al-Fateh" – "Al-Nasr" uchrashuvi shanba, 14 fevral kuni bo'lib o'tadi.
“Zamin”ni Telegramʻda oʻqing!
