"Al-Nasr" bosh murabbiyi Jorje Jezush Krishtianu Ronaldu nega yaqinlashib kelayotgan uchrashuvni o'tkazib yuborishini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida "Arkadag"ga qarshi maydonga tushadi. Portugaliyalik yulduz hujumchi tez orada maydonga qaytishi kutilayotgan bo'lsa-da, bu safar ham tarkibda bo'lmaydi.
Jezushning aytishicha, jamoa zich taqvim sabab Ronaldu va asosiy tarkibdagi yana bir qator futbolchilarga dam berishga qaror qilgan. Murabbiy oldinda "Al-Fateh"ga qarshi muhim bahs borligini alohida ta'kidladi.
Shuningdek, u Ronaldu Saudiya Arabistonidan tashqarida o'tadigan o'yinlarda vaqti-vaqti bilan qatnashmay qolishi yangi holat emasligini eslatdi. Murabbiyning so'zlarini Al Nassr Zone keltirdi.
Saudiya chempionatidagi "Al-Fateh" – "Al-Nasr" uchrashuvi 14-fevral, shanba kuni bo'lib o'tadi.
“Zamin”ni Telegramʻda oʻqing!
