Krishtianu Ronalduning turmush o‘rtog‘i Jorjina Rodriges ijtimoiy tarmoqlarda yangi surat joyladi. Unda 41 yoshli hujumchi sport zalida gantel ko‘tarib mashq qilayotgani aks etgan. Bu haqda euro-football.ru xabar beradi.
Ronalduning yonida qizlaridan biri ham bor: u ham qo‘lida gantel ushlab turibdi, faqat kichikroq va pushti rangda. Jorjina esa suratga qisqa izoh qoldirdi: «Dada».
Avvalroq Rodriges Ronalduni tug‘ilgan kuni bilan tabriklagan, biroq post futbolchi 41 yoshga to‘lganidan bir kun o‘tib e’lon qilingani ham e’tibor tortgan.
Shu orada Ronalduning «Al-Nasr» safidagi so‘nggi bir nechta uchrashuvlarni o‘tkazib yuborgani haqida ham xabarlar bor. OAVda portugaliyalik futbolchi klub boshqaruvidan norozi bo‘lgani sababli o‘yinlarni boykot qilayotgani yuzasidan mish-mishlar tarqalgan.
“Zamin”ni Telegramʻda oʻqing!
