«Al-Nasr» bosh murabbiyi Jorje Jezush Krishtianu Ronaldu nega yaqinlashib kelayotgan uchrashuvda maydonga tushmasligini izohladi. Bu haqda euro-football.ru xabar beradi.
Chorshanba kuni Ar-Riyod klubi OFK Chempionlar ligasi doirasida «Arkadag»ga qarshi bahs olib boradi. Portugaliyalik yulduz hujumchi tez orada maydonga qaytishi kutilayotgandi, biroq bu o'yinda u yana tarkibda bo'lmaydi.
«Taqvim juda tig'iz. Shu sabab Ronaldu va asosiy tarkibdagi yana bir nechta futbolchiga dam berishga qaror qildik. Oldinda «Al-Fateh»ga qarshi muhim o'yin kutib turibdi», — dedi Jezush. Uning so'zlarini Al Nassr Zone keltirdi.
Mutaxassis Ronalduga bunday tanaffuslar yangilik emasligini ham qo'shimcha qildi: u Saudiya Arabistonidan tashqarida o'tadigan uchrashuvlarda ilk bor qatnashmayotgani yo'q.
Saudiya chempionatida «Al-Fateh» — «Al-Nasr» uchrashuvi shanba, 14-fevral kuni bo'lib o'tadi.
“Zamin”ni Telegramʻda oʻqing!
