"Al-Nasr" bosh murabbiyi Jorje Jezush Krishtianu Ronaldu yaqinlashib kelayotgan uchrashuvda maydonga tushmasligini izohlab berdi. Bu haqda euro-football.ru xabar beradi.
Er-Riyod klubi chorshanba kuni OFK Chempionlar ligasi doirasida "Arkadag"ga qarshi bahs olib boradi. Portugaliyalik yulduz forvardning tez orada maydonga qaytishi kutilayotganiga qaramay, bu o'yinda u yana tarkibda bo'lmaydi.
Jezushning so'zlariga ko'ra, zich taqvim sabab Ronaldu va asosiy tarkibdagi bir qator futbolchilarga dam berish haqida qaror qabul qilingan. Murabbiy buni oldinda "Al-Fateh"ga qarshi muhim uchrashuv borligi bilan izohladi.
Shuningdek, Jezush Ronalduning Saudiya Arabistonidan tashqarida o'tadigan o'yinlarni o'tkazib yuborishi yangilik emasligini ta'kidladi. Al Nassr Zone manbasi murabbiyning fikrlarini keltirdi.
Saudiya chempionati doirasidagi "Al-Fateh" — "Al-Nasr" uchrashuvi shanba kuni, 14 fevralda bo'lib o'tadi.
“Zamin”ni Telegramʻda oʻqing!
