«Antalyaspor» himoyachisi Georgiy Djikija Turkiyadagi faoliyati va klubdagi vaziyati yuzasidan qisqa izoh berdi. 32 yoshli futbolchining so‘zlari «FNL s Ilovym» telegram-kanali e’lon qilgan videoda keltirildi. Bu haqda euro-football.ru xabar beradi.
Jurnalistlar Djikijadan «Antalyaspor»dagi ishlari qanday ketayotgani va Turkiyadagi sharoitlar ko‘nglidan chiqayotgan-chiqmayotganini so‘rashdi. Himoyachi esa hammasi joyida ekanini aytib, Turkiyada hamma narsa o‘zini qoniqtirishini tabassum bilan ta’kidladi.
Djikija «Antalyaspor» safiga o‘tgan yozda qo‘shilgandi. Shu vaqt ichida u 13 ta uchrashuvda maydonga tushib, 2 ta gol urishga ham ulgurdi.
Hozir «Antalyaspor» Turkiya Superligasi turnir jadvalida 14-o‘rinda bormoqda. Jamoaning navbatdagi o‘yini 13-fevral kuni o‘z maydonida «Samsunspor»ga qarshi bo‘lib o‘tadi.
“Zamin”ni Telegramʻda oʻqing!
