Madridning “Real” klubi yarim himoyachisi Jud Bellingem faoliyatida hanuz yodidan chiqmaydigan eng alamli lahza qaysi ekanini aytib berdi. Bu haqda euro-football.ru xabar beradi.
Angliyalik futbolchi “Borussiya” Dortmund safida Bundesligada soʻnggi turda qoʻldan boy berilgan chempionlikni esladi. “Mayns” ustidan gʻalaba “asalarilar”ni chempion qilardi, biroq uchrashuv 2:2 hisobida yakunlandi va oltin medallar yana “Bavariya”ga nasib etdi.
“Hali ham meni quvib yuradigan omadsizlikmi? Mavsumning oxirgi kunida “Borussiya” bilan qoʻldan ketgan chempionlik. Eslatganingiz uchun rahmat”, — deya futbolchining soʻzlarini Madrid Zone keltiradi.
Eslatib oʻtamiz, Bellingem 2023 yil yozida — Germaniyadagi oʻsha dramatik yakundan koʻp oʻtmay — Dortmunddan “Real”ga koʻchib oʻtgan edi.
“Zamin”ni Telegramʻda oʻqing!
