Rossiya futbol ittifoqi (RFS) UYEFA bilan muloqotda bosim vositasi sifatida yana Osiyo konfederatsiyasiga o‘tish mavzusini kun tartibiga qaytarishi mumkin. Bu haqda euro-football.ru xabar beradi.
«RB Sport» xabariga ko‘ra, hatto FIFA Rossiya futboliga qo‘yilgan sanksiyalarni bekor qilgan taqdirda ham, UYEFAning keskin pozitsiyasi sabab xalqaro maydonga tezkor qaytish kafolatlanmaydi. Manbaga ko‘ra, RFS muzokaralarda Osiyoga o‘tish ehtimolini “tayanch argument” sifatida qo‘llashi mumkin: Osiyoda Rossiyaga qarshi bo‘lganlar 47 davlat ichida atigi beshta, Yevropada esa vaziyat ancha murakkab.
Shuningdek, manba bahorda Rossiya Olimpiya qo‘mitasining to‘liq tiklanishi FIFA va UYEFAga ta’sir o‘tkazishda qo‘shimcha dalil bo‘lishi mumkinligini qayd etadi. Bu holat Rossiya yoshlar terma jamoasiga 2028 yilgi Olimpiada saralashida qatnashish yo‘lini ochishi ehtimoli bor.
Eslatib o‘tamiz, Rossiya klublari va terma jamoalari 2022 yildan buyon xalqaro turnirlarda ishtirok etishdan chetlatilgan.
“Zamin”ni Telegramʻda oʻqing!
