RFU faxriy prezidenti Vyacheslav Koloskov Rossiya terma jamoasining mart oyida o‘rtoqlik uchrashuvlarida duch kelishi mumkin bo‘lgan raqiblar borasida fikr bildirdi. Bu haqda euro-football.ru xabar beradi.
Uning ta’kidlashicha, bo‘lajak raqiblar o‘rtamiyona darajadagi jamoalar bo‘lib, jahon futboli ierarxiyasining eng quyi pog‘onasidan emas. Koloskov bunday tanlov terma jamoa uchun ayni muddao ekanini, bu uchrashuvlar yig‘inga da’vogar futbolchilarning hozirgi holatini yana bir bor ko‘rib olishga yordam berishini aytdi.
Eslatib o‘tamiz, o‘tgan yil Rossiya terma jamoasi 10 ta o‘rtoqlik o‘yinini o‘tkazib, faqat bir marta mag‘lub bo‘lgan — noyabr o‘rtalarida Sochida Chili terma jamoasiga 0:2 hisobida yutqazgan.
Rossiya milliy jamoasi 2022 yil fevralidan buyon rasmiy uchrashuvlarda maydonga tushmayapti.
Shuningdek, Gvatemala va Mali terma jamoalari 2026 yil Shimoliy Amerikada bo‘lib o‘tadigan jahon chempionatiga saralashdan o‘ta olmadi.
“Zamin”ni Telegramʻda oʻqing!
