Rossiya terma jamoasining sobiq futbolchisi Dmitriy Bulikin «Monako» markaziy yarim himoyachisi Aleksandr Golovinning so‘nggi o‘yinlardagi xatti-harakatlari haqida fikr bildirdi. Bu haqda euro-football.ru xabar beradi.
Monakoliklar sardori ketma-ket ikki uchrashuvda maydondan chetlatildi: avval Fransiya chempionatida «Nant»ga qarshi bahsda, keyin esa Chempionlar ligasida «PSJ» bilan o‘yinda.
Bulikinning aytishicha, birinchi qizil kartochka qo‘pollik uchun emas, balki Golovinning doim kurashda bo‘lgani va to‘pni tortib olishga intilgani bilan bog‘liq. Ikkinchi epizodni u ko‘rmaganini ta’kidladi, biroq Golovinning o‘yinga bo‘lgan munosabati o‘zgarganiga ham ishonmasligini qo‘shimcha qildi.
Joriy mavsumda 29 yoshli yarim himoyachi 26 ta uchrashuvda maydonga tushib, 2 ta gol urdi va 4 ta golli uzatmani amalga oshirdi.
“Zamin”ni Telegramʻda oʻqing!
