Peterburgning «Zenit» klubida to‘p surgan sobiq yarimhimoyachi, hozirda futbol mutaxassisi sifatida faoliyat yuritayotgan Vladislav Radimov Italiya futboli holati haqida fikr bildirdi. Bu haqda euro-football.ru xabar beradi.
Radimovning ta’kidlashicha, Italiya futboli hozir inqiroz davrini boshdan kechirmoqda: klublar legionerlar hisobiga ma’lum darajada natija ko‘rsatayotgan bo‘lsa-da, terma jamoa darajasi past va jamoa jahon chempionatiga bormay qolish xavfi ostida. U bu gaplarni «Match TV» efirida aytdi.
Eslatib o‘tamiz, Italiya terma jamoasi 2026 yilgi jahon chempionatiga to‘g‘ridan-to‘g‘ri yo‘llanma ola olmadi. Jamoa bosh murabbiy Jennaro Gattuzo qo‘l ostida saralashdagi styk uchrashuvlarida qatnashadi.
2026 yilgi mundial yozda Shimoliy Amerikada bo‘lib o‘tadi. Nufuzli turnirga uch davlat — AQSH, Kanada va Meksika mezbonlik qiladi.
“Zamin”ni Telegramʻda oʻqing!
