Urugvaylik Edinson Kavani «Boka Xuniors»ni tark etishi mumkin va bu qaror uning istagidan ko‘ra, vaziyat taqozosi bilan bog‘liq bo‘lishi ehtimoli yuqori. Hujumchining o‘yini muxlislarni qoniqtirmayapti, tribunalardan hushtak ovozlari tobora ko‘paymoqda. Bu haqda euro-football.ru xabar beradi.
So‘nggi uchrashuvda Kavanining almashtirilishi paytida bu holat yana takrorlandi: «Matador» maydonni tark etar ekan, muxlislar uni keskin hushtaklar bilan kuzatib qo‘ydi. Almashtirish ham yordam bermadi — «Boka» «Platense» darvozasini ishg‘ol qila olmadi va bahs 0:0 hisobida yakunlandi.
Endi Argentina OAV Kavanining shartnomasini uzaytirish borasidagi istiqbolni juda ehtiyotkorlik bilan baholamoqda. Qolaversa, klub paragaylik hujumchi Adam Bareyroni ham tarkibga qo‘shib oldi va ko‘pchilik u 39 yoshli veteran Kavanini asosiy tarkibdan siqib chiqarishini kutmoqda.
“Zamin”ni Telegramʻda oʻqing!
