iPhone X kamerasi video olish uchun yaratilgan Panasonic GH5 kamerasi bilan taqqoslandi. Smartfon bu “bellashuvda” ba’zi jihatlar bo‘yicha ortda qolganiga qaramay, o‘zini munosib ko‘rsatdi, deb yozadi Kun nashri.
iPhone X 12 Mp li ikkita kamera bilan jihozlangan. Ikkinchi kamera uzun fokusli ob’ektiv bilan birga ishlaydi, buning evaziga uni suratni optik kattalashtirish uchun qo‘llash mumkin. Birinchi marta iPhone modellari orasida ikkala kamera ham optik barqarorlashtirish tizimi bilan ta’minlandi, bu ayniqsa video olishda asqatadi. Yangi smartfon shuningdek 4K sifatda soniyasiga 60 ta kadr bilan suratga olishga “o‘rgatildi”.
Ushbu yangi imkoniyatlar unda olingan surat sifatini professional kameraniki bilan taqqoslashga kuchli undov bo‘ldi. YouTube’dagi Fstoppers kanali mualliflari bu maqsadda 20 Mp li ob’ektiv, optik barqarorlashtirgich va video olishda katta imkoniyatlarga ega Panasonic GH5 kamerasini olishdi.
iPhone X qorong‘ida suratga olishda professional kameraga yutqazdi. GH5 kamerasi smartfonga nisbatan megapikseli ko‘proq matritsaga ega. Matritsa qanchalik katta bo‘lsa, u shunchalik ko‘proq yorug‘lik qabul qiladi. Bundan surat ochroq chiqadi va unda kamroq “shovqinlar” bo‘ladi, shuning uchun professional kamerada yuqori ISO’ni o‘rnatish zarur emas.
iPhone X suratni kattalashtirishdagi detallashtirishda ham “bo‘shligi” ma’lum bo‘ldi. Smartfonning optik kattalashtirgichi ikki karra kattalashtirish bilan cheklanadi, so‘ngra esa dasturiy ishlov berish qo‘llanadi. Kamera esa suratni kattalashtirishda ob’ektivning fokus masofasi bilan cheklanadi. Smartfon, shuningdek, barqarorlashtirish tizimi borasida ham yutqazgan.
Kattalashtirish bilan suratga olish natijasi.
iPhone X yorug‘lanish yaxshi bo‘lganda yaxshi natija namoyish qilishi aniqlandi. Smartfon ayniqsa yorqin manzaralarni, ya’ni suratga olinayotgan ob’ekt ortida yorqin nurlanish bo‘lganda yaxshi natija berishi ma’lum bo‘ldi.
Quyida qurilmalarning suratga olish sifatini taqqoslash uchun ko‘proq suratlar keltirdi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Toshkentda 02 kodli avtoraqamlar taxminan qachon paydo bo‘lishi aytildi
Uchar avtomobil yo‘lovchi bilan birinchi parvozini amalga oshirdi (video)
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi