Ўзбекистон Президенти Шавкат Мирзиёев Конституция куни байрамига тайёргарлик ва уни мамлакат бўйлаб нишонлаш бўйича фармонни имзолади. Мазкур ҳужжат байрам дастурини ва тадбирларни ташкил этиш учун жавобгар бўлган ташкилий қўмитанинг таркибини тасдиқлади.
Тадбирлар шаҳарларда, туманларда ва ҳатто энг кичик аҳоли пунктларида ўтказилади. Байрам дастури очиқ мулоқотлар, маданий кечалар, фестиваллар, олимлар, санъат арбоблари ва спортчилар билан учрашувларни ўз ичига олади.
Тадбирлар давомида Конституциянинг мамлакатдаги иқтисодиёт, ижтимоий соҳа, фан, маданият, спорт ва инсон ҳуқуқларини ҳимоя қилишдаги ўрни тушунтирилади. Таълим муассасаларида байрам олдидан ҳуқуқшунослар ва давлат органлари вакиллари иштирокида "Конституция дарслари" ўтказилади.
Тадбирлар молиялаштирилиши маҳаллий бюджетлар, идоралар маблағлари ҳамда ҳукумат ва Тошкент шаҳар ҳокимлиги заҳира жамғармалари ҳисобига амалга оширилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
