24-28 ноябр кунлари Экология бўйича Махсус комиссиянинг ишчи гуруҳлари Тошкент ва унинг атрофидаги корхоналар ҳамда қурилиш объектларини текширди. Натижада иссиқхоналар орасида 67 таси фаолиятини тўхтатди, 403 тасида эса маъмурий байонномалар тузилди.
19 хўжаликка газ тармоғига уланиш шартлари белгиланди. Қурилиш объектлари ичида 53 та ноқонуний майдон аниқланди, 34 та қурилишда ишлар вақтинча тўхтатилди, 188 киши маъмурий жавобгарликка тортилди.
Шунингдек, чангни камайтириш учун 51 объектга сув пуркаш мосламалари ўрнатилди. 837 та юк машинаси ҳайдовчиси юкларни очиқ ҳолда ташиш учун, 206 та ҳайдовчи эса белгиланган чиқинди меъёрларини ошириб юборгани учун жазоланди.
Бундан ташқари, шаҳар кўчалари ва жамоат жойлари ювилди, ариқ ва зовурлар тозаланди, фавворалар ишга туширилиб, микроиқлим яхшиланди. Ушбу чора-тадбирлар ҳаво ифлосланишини камайтиришга ёрдам берди: PM 2.5 заррачалари концентрацияси бир ҳафта ичида 171 мкг/м³ дан 97 мкг/м³ гача пасайди.
Аммо 29 ноябрдан бошлаб совуқ антициклон келиши кутилётгани сабабли ҳаво сифати вақтинча ёмонлашиши мумкинлиги Экология вазирлиги томонидан таъкидланди.
Меҳмон гуруҳидаги фойдаланувчилар ушбу мақолага изоҳ қолдира олмайди.
