24-28 noyabr kunlari Ekologiya bo‘yicha Maxsus komissiyaning ishchi guruhlari Toshkent va uning atrofidagi korxonalar hamda qurilish obyektlarini tekshirdi. Natijada issiqxonalar orasida 67 tasi faoliyatini to‘xtatdi, 403 tasida esa ma'muriy bayonnomalar tuzildi.
19 xo‘jalikka gaz tarmog‘iga ulanish shartlari belgilandi. Qurilish obyektlari ichida 53 ta noqonuniy maydon aniqlandi, 34 ta qurilishda ishlar vaqtincha to‘xtatildi, 188 kishi ma'muriy javobgarlikka tortildi.
Shuningdek, changni kamaytirish uchun 51 obyektga suv purkash moslamalari o‘rnatildi. 837 ta yuk mashinasi haydovchisi yuklarni ochiq holda tashish uchun, 206 ta haydovchi esa belgilangan chiqindi me’yorlarini oshirib yuborgani uchun jazolandi.
Bundan tashqari, shahar ko‘chalari va jamoat joylari yuvildi, ariq va zovurlar tozalandi, favvoralar ishga tushirilib, mikroiqlim yaxshilandi. Ushbu chora-tadbirlar havo ifloslanishini kamaytirishga yordam berdi: PM 2.5 zarrachalari konsentratsiyasi bir hafta ichida 171 mkg/m³ dan 97 mkg/m³ gacha pasaydi.
Ammo 29 noyabrdan boshlab sovuq antitsiklon kelishi kutilayotgani sababli havo sifati vaqtincha yomonlashishi mumkinligi Ekologiya vazirligi tomonidan ta'kidlandi.
Mehmon guruhidagi foydalanuvchilar ushbu nashrga izoh qoldira olmaydi.
