2026-йилнинг 1-январидан бошлаб Ўзбекистонда янги "Энг яхши солиқ тўловчи маҳалла" номинацияси жорий этилади. Бу ташаббус аҳоли ва маҳаллий жамоаларни солиқларни фаол равишда тўлашга ва кичик бизнесни қўллаб-қувватлашга рағбатлантириш мақсадида ташкил этилган.
Ғолиблар бир қатор кўрсаткичлар асосида аниқланади: минг кишига тўғри келадиган кичик корхоналар сони, уларнинг тўлаган солиқлари миқдори, даромад солиғини тўлаётган шахслар сони, ўзини ўзи банд қилган фуқаролар ва уларнинг тўлаган солиқлари, шунингдек, маҳалла аҳолиси томонидан мол-мулк ва ер солиқларининг тўлиқ тўланиши даражаси. Ғолиб бўлган маҳаллаларга турли кўринишдаги қўллаб-қувватлаш чоралари тақдим этилади.
Улар ташаббус бюджети лойиҳаларида ҳеч қандай чекловларсиз иштирок этишлари мумкин, ҳатто илгари ғолиб бўлган бўлсалар ҳам. Агар аҳоли лойиҳа қийматининг камида 25 фоизини тўласа, қолган 75 фоизи давлат бюджетидан ажратилади.
Ҳар йили энг яхши 100 таликка кирган ҳар бир маҳаллага ижтимоий ва иқтисодий муаммоларни ҳал қилиш, жумладан ободонлаштириш, инфратузилмани қўллаб-қувватлаш ёки ҳудуддаги ҳаёт шароитларини яхшилаш учун давлат бюджетидан 2 миллиард сўм ажратилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
