Ўзбекистон ЖСТ сари қадам ташламоқда: 2026 йилда аъзолик учун 29 та янги ҳужжат қабул қилинади
Ўзбекистон 2026 йилда Жаҳон савдо ташкилотига (ЖСТ) аъзо бўлиш жараёнини жадаллаштириб, бунинг учун 29 та норматив-ҳуқуқий ҳужжат ишлаб чиқиш ва қабул қилишни режалаштирмоқда. Бу ҳақда президентнинг ЖСТ масалалари бўйича вакили Азизбек Урунов маълум қилди. Бу ҳақда kursiv.uz хабар беради.
Унинг айтишича, республика ЖСТга аъзо давлатлардан 34 тасининг 33 таси билан бозорга кириш бўйича икки томонлама музокараларни якунлаб бўлган. Ҳозирча фақат Тайван билан келишув масаласи очиқ қолмоқда.
Маълумотларга кўра, 2025 йилда Ўзбекистон аллақачон 30 та норматив-ҳуқуқий ҳужжатни қабул қилган. Улар орасида қонунлар, президент фармонлари, ҳукумат қарорлари ҳамда идоравий ҳужжатлар бор.
2026 йилга мўлжалланган 29 та янги ҳужжат савдони тартибга солишнинг асосий йўналишларини қамраб олади. Хусусан, божхона ва техник меъёрлар, экспорт божлари, савдони ҳимоя қилиш чоралар, интеллектуал мулк, шунингдек санитария ва фитосанитария талабларига оид нормалар кўзда тутилган.
Расмийлар 2026 йилда қолган икки томонлама ҳамда кўп томонлама музокараларни ҳам якунлаш, ЖСТ ишчи гуруҳи бўйича якунй ҳисоботни тайёрлаш ва миллий қонунчиликни эришилган келишувларга тўлиқ мослаштиришни мақсад қилган.
“Zamin”ни Telegram'да ўқинг!
