Баъзилар бошқаларни ўзига ўхшаб фикрламагани учун ёқтиришмайди.
* * *
Нотиқлар ўзлари ишонмайдиган гапларга бошқаларни ишонтирмоқчи бўлишади.
* * *
Ҳар бир одам – ўқилмаган китоб, дейилганидек, биз қўпинча бу китобнинг мазмунига эмас, муқовасига қараб, баҳо берамиз.
* * *
Бир вақтлар “Дўпписи тушиб кетса, пулга олдиради”, деган гаплар бўларди. Бугун хизмат кўрсатиш соҳаси анча ривожланиб кетди. Агар топиш-тутишингиз яхши бўлса, дўппингизни тушириб, яна олиб берадиганлар топилади.
* * *
У узатилгандан олганини, яна бир қанча санаб ҳамёнига жойлагач, қўлини совунлаб ювди. Энди ҳалоллик ҳақида маъруза ўқигани чиқади.
* * *
Кўпчилик омадга умид боғлайди. Лекин ўзимиз ғафлат уйқусида бўлсак, омад эшигимизни қоқа-қоқа қайтиб кетганини ҳам сезмай қолишимиз мумкин.
* * *
Баъзи расмларни кўрсангиз, худди тирикдек таассурот қолдиради. Баъзи тирик инсонлар эса суратга ўхшаб кетади.
* * *
Кундалик истеъмолда ширин асал ҳам, аччиқ қалампир ҳам керак. Фақат уларнинг ҳар бирининг ўрни ва меъёрида ишлатишни билиш керак!
* * *
“Телефон хизмат кўрсатиш доирасидан ташқарида” деган жавобни эшитганда, ўйланиб қоласан: телефон-ку майли-я, баъзи бир одамлар ҳам ўз хизмат кўрсатиш доирасидан ташқарида қолиб кетмаяптими?
* * *
Айрим инсонларнинг қилмишини кўрганда, каламуш уялар, илон пўст ташлар экан.
* * *
Бошқаларни пастга уриш билан ўзинг кўтарилмайсан.
Манба: mulohaza.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Тошкентда 02 кодли авторақамлар тахминан қачон пайдо бўлиши айтилди
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Зоир Мирзаев “Телефонсиз мактаб”га 300 млн сўм мукофот берди
Мария Захарова украиналикларни Америка ҳиндуларига ўхшатди