Intel компанияси йирик моноблок-планшетни патентлади » Ўзбекистон янгиликлари – Zamin.uz

Intel компанияси йирик моноблок-планшетни патентлади

Intel компанияси йирик моноблок-планшетни патентлади

Жаҳон бозорида, асосан, технологик процессорлар ишлаб чиқариш билан танилган Intel фирмаси 2012 йилда 27 дюймли моноблокни намойиш қилган эди. Мазкур компьютер ҳам электр тармоғидан, ҳам ўрнатилган батареядан ишлаши билан барчанинг эътиборинит тортган. Куни кеча тармоқда фирманинг мазкур моноблокка ўхшаш қурилмасининг тасвирлари пайдо бўлди. Афтидан, Intel бундан 4 йил олдин тайёрлаган моноблокини янада такомиллаштиришни мақсад қилган кўринади.

Terabayt нашрининг хабар беришича, мазкур патентда бўлажак қурилманинг дизайни тасвирланган. Унинг техник кўрсаткичлари ва бошқа имкониятлари борасида ҳозирча ҳеч қандай маълумот мавжуд эмас. Патентда йирик планшетнинг юқори ва қуйи қисмига динамик ўрнатилиши ҳақида сўз боради, холос. Шунингдек, моноблок/планшет енгил трансформация учун тутқичга ҳам эга бўлиши қайд этилган.
Intel компанияси йирик моноблок-планшетни патентлади

Ҳозирча янги моделга қайси ўлчамдаги дисплей ўрнатилиши номаълум. Intel ушбу қурилмани келаси йил бошида ўтказиладиган халқаро кўргазмаларнинг бирида тақдим этиши тахмин қилинмоқда.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru