Apple’ни гаджетлар хотирасини қасддан тўлдириб қўйишда айблашди » Ўзбекистон янгиликлари – Zamin.uz

Apple’ни гаджетлар хотирасини қасддан тўлдириб қўйишда айблашди

Apple’ни гаджетлар хотирасини қасддан тўлдириб қўйишда айблашди

Икки калифорниялик Apple компанияси устидан Майами судига арз қилди. BBC News’нинг хабар беришича, даъвогарлар компанияни iOS 8 операцион тизими қурилмаларнинг хотирасини ҳаддан ташқари кўп “еб қўйиш”да айблашган, деб ёзади kun.uz.

Пол Оршан (Paul Orshan) ва Кристофер Эндара (Christopher Endara)нинг сўзларига кўра, iOS 8 операцион тизими Apple гаджетларида 23,1 фоизгача хотирани банд қилади. iPad ва iPhone’нинг нисбатан эски моделларини янги операцион тизимга мослаштириш вақтида қурилма 1,3 гигабайтгача хотирани исроф қилиши мумкин.

Даъвогарларнинг қайд этишларича, Apple операцион тизимни сотишда дастур учун айнан қанча хотира керак бўлишини олдиндан айтмайди. Уларнинг фикрича, компания буни қасддан, ўзининг маълумотларни булут-технологияда сақлашга асосланган iCloud пулли сервисига имкон қадар кўпроқ фойдаланувчи обуна бўлиши учун яширади.

Apple ҳозирча даъвогарларнинг шикояти бўйича ҳеч қандай изоҳ берганича йўқ.

iOS 8 операцион тизими охирги марта 2014 йилнинг сентябрь ойи охирида янгиланган, бироқ Apple уни қайтариб олиб, қайтадан чиқарган эди. Тизимнинг биринчи версияси iPhone 6 смартфоннинг ҳаддан ташқари кўп хотирасидан фойдаланарди ва унда қўнғироқларни амалга ошириб бўлмасди.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru