АҚШдаги иккита рус банкининг 637 млн долларлик активлари музлатиб қўйилди » Ўзбекистон янгиликлари – Zamin.uz
06-03-2015 | 12:12 ZAMIN.UZ / Дунё / 06 Март 2015 года
724

АҚШдаги иккита рус банкининг 637 млн долларлик активлари музлатиб қўйилди

АҚШдаги иккита рус банкининг 637 млн долларлик активлари музлатиб қўйилди

АҚШ ҳукумати иккита Россия банкининг 637 млн долларлик активларини тўсиб қўйди, деб хабар берди The Wall Street Journal нашри.

Олинган маълумотларга кўра, “Россия” банкининг 572 млн доллари музлатиб қўйилган. Бу миқдор банкнинг барча активларининг 10 фоизини ташкил қилади.

Шунингдек, “СМП Банк”нинг 65 млн долларлик активлари музлатиб қўйилган – бу миқдор ушбу банкнинг ўтган йилдаги барча активларининг 2 фоизини ташкил қилади.

Иккала банк ҳам АҚШ иқтисодий санкциялар киритган Россиянинг корхоналари ва молиявий ташкилотлари рўйхатига киритилган. Шунингдек, бу рўйхатдан “Газпром”, “Газпром нефть”, “ЛУКОЙЛ”, “Сургутнефтегаз” ва “Роснефть” компаниялари ҳам жой олган.

Бу компанияларга Арктика шельфи ва сланецли қатламларда нефть олиш учун зарур бўлган хизматлар, маҳсулотлар ва технологияларни етказиб бериш тақиқлаб қўйилган. Шунингдек, санкциялар Сбербанк, Москва банки, Газпромбанк, Россельхозбанк, Внешэкономбанк, ВТБ ва бир қатор мудофаа корхоналарига нисбатан ҳам қўлланган.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru