![Байден АҚШ президентларининг «иммунитети»ни чеклашни таклиф қилди](/uploads/posts/2024-07/x8c6e824d4c_fxlj0yzz7c0p1vz_zrdcq3r-7enwokbe.webp.pagespeed.ic.hSIWHVw_yd.webp)
Фото: AP
АҚШ президенти Жо Байден Оқ уй раҳбарларининг дахлсизлигини чеклашни таклиф қилмоқчи. У мамлакатга бундай чора нега кераклигини The Washington Post газетасида чоп этилган мақолада тушунтирди.
Хусусан, у президентларнинг федерал таъқибдан дахлсизлик ҳуқуқига эга эмаслигини аниқ кўрсатувчи ўзгартиришни Конституцияга киритишни таклиф этмоқчи.
Аввалроқ, 1 июл куни Доналд Трамп иши бўйича Олий суд президентлар «расмий лавозимдаги хатти-ҳаракатлари» учун жиноий жавобгарликка тортилишдан дахлсизликка эгалигини тасдиқлаган эди. Байден ушбу меъёрни ўзгартириш тарафдори эканини айтди.
«Ҳозир содир бўлаётган воқеалар оддий ҳол эмас ва бу суд қарорларига, шу жумладан шахсий эркинликларга таъсир қиладиган қарорларга бўлган ишончни йўқотади», деди Байден.
Шунингдек, у ўз мақоласида Қўшма Штатларда ҳеч ким қонундан устун эмаслигини қўшимча қилди:
«Миллат оддий, аммо жиддий тамойил асосида шаклланган: ҳеч ким қонундан устун эмас. АҚШ президенти ҳам, Олий суд судяси ҳам. Аммо Олий суднинг 1 июлдаги президентларга ўз лавозимида содир этган жиноятлари учун жавобгарликка тортилишдан кенг иммунитет бериш ҳақидаги қарори давлат раҳбари хатти-ҳаракатларига ҳеч қандай чекловлар йўқлигини англатади, бу фақат Оқ уй раҳбари ўзи белгилайдиган чекловлар бўлади».
Politico нашрининг эслатишича, Байден таклиф қилган чоралар Конгресс томонидан маъқулланиши керак ва конгрессменлар томонидан бу таклифни қабул қилиш имконияти кам. Агар демократлар сайловдан кейин иккала палатани назорат қилсалар ҳам, улар Сенатда тўсиқни бартараф этиш учун зарур бўлган 60 овозга эга бўлиши даргумон.
Конституцияга ўзгартириш киритиш янада қийин бўлиб, Конгресс иккала палатасининг учдан икки қисми ёки штатларнинг учдан икки қисми томонидан қўллаб-қувватланган конвенцияни, шунингдек, штат қонун чиқарувчи органларининг тўртдан уч қисми томонидан тасдиқланишини талаб қилади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![«Адашмайдиган прогнозчи» АҚШ президентлиги сайловида ким ютишини айтди расм](/uploads/posts/2024-07/x9a28c7f3e0_920__95_3136414761.webp.pagespeed.ic.7E_rMVyGaS.webp)
«Адашмайдиган прогнозчи» АҚШ президентлиги сайловида ким ютишини айтди
![Шри-Ланка ҳукумати мусулмонлардан узр сўради расм](/uploads/posts/2024-07/xf110907f68_920__95_3554928668.webp.pagespeed.ic.drjStLlOyc.webp)
Шри-Ланка ҳукумати мусулмонлардан узр сўради
![Ўйиннинг охиригача бир хилликдан воз кечмаган термамиз ва турнирни нари-бери ёритаётган ЎФА расм](/uploads/posts/2024-07/xb32fc26dec_01.webp.pagespeed.ic.-ak9djxziL.webp)
Ўйиннинг охиригача бир хилликдан воз кечмаган термамиз ва турнирни нари-бери ёритаётган ЎФА
![Туркия ТИВ: Нетаньяхунинг ҳаёти ўз жонига қасд қилган Гитлерники каби тугайди расм](/uploads/posts/2024-07/xaa37fac0eb_photo_2024-07-29_13-00-02-nuz0dhgj.webp.pagespeed.ic.6o00GivtZV.webp)
Туркия ТИВ: Нетаньяхунинг ҳаёти ўз жонига қасд қилган Гитлерники каби тугайди
![Эрдўғаннинг Исроилга таҳдиди қанчалик жиддий? расм](/uploads/posts/2024-07/xc218c4acb5_xzzvw6lf7hlo0t1crik-ral0nir9wbyi_medium.webp.pagespeed.ic.0AAxOELwGG.webp)
Эрдўғаннинг Исроилга таҳдиди қанчалик жиддий?
![Париж-2024. Бугун иштирок этадиган спортчиларимиз билан танишинг расм](/uploads/posts/2024-07/x636c790f4d_483f5c4aec5c7a2c661f9e96c86a221d.webp.pagespeed.ic.ttKj8HDIRW.webp)
Париж-2024. Бугун иштирок этадиган спортчиларимиз билан танишинг
![Ўзбекистон терма жамоаси аъзоси легионерга айланди расм](/uploads/posts/2024-07/x305dc1a880_vzehdd16551896033987_b.webp.pagespeed.ic.SY8ss3XSrz.webp)
Ўзбекистон терма жамоаси аъзоси легионерга айланди
![Лукашенко ўлимга ҳукм қилинган Германия фуқаросини афв этди расм](/uploads/posts/2024-07/xfc74e3fa26_photo_2024-07-30_22-14-19-4it95a3.webp.pagespeed.ic._uGJEtBT7P.webp)
Лукашенко ўлимга ҳукм қилинган Германия фуқаросини афв этди