Ҳаррис сайловда ғалаба қозонса, АҚШ яшаш учун хавфлироқ бўлади

^{Фото: AP}
Агар вице-президент Камала Ҳаррис ноябрда бўлиб ўтадиган президентлик сайловларида ғалаба қозонса, Қўшма Штатлар яшаш учун янада хавфли жойга айланади. Бу ҳақда Дональд Трампнинг сайловолди штаби матбуот котиби Каролин Левиттга таяниб, Washington Post нашри хабар берди.

Агар у бизнинг олий қўмондонимиз бўлса, Америка янада хавфлироқ жойга айланишига шубҳа йўқ, дея Левитт сўзларидан иқтибос келтиради нашр.

Трамп сайловолди ташвиқоти вакили, шунингдек, Ҳаррисда амалдаги президент Жо Байденнинг “заиф дастури”ни илгари суришдан ташқари ташқи сиёсатда тажрибаси йўқлигини айтган. Унинг фикрича, бу “Украинадаги можароларга, АҚШ душманларининг кучайишига ва Исроилга ҳужумларга” олиб келган.

Аввалроқ Трамп Ҳаррис билан дебат қилиш ниятида эканини айтган эди. 24 июль куни бўлиб ўтган онлайн матбуот анжумани чоғида Трамп вуце-президент билан баҳслашишини айтган ва “аслида бир нечта дебат ўтказишга тайёрлигини” маълум қилган.

Ўз навбатида, Камала Ҳаррис Исроил бош вазири Биньямин Нетаньяху билан бўлиб ўтган учрашувда Ғазодаги азоб-уқубатларга жим қараб турмасликка ваъда берган.

Урушни Исроил хавфсиз бўлган, барча гаровга олинганлар озод этилган, Ғазодаги фаластинликларнинг азоб-уқубатлари тугаган, фаластинликлар ўз эркинлиги, қадр-қиммати ва ўз тақдирини ўзи белгилаш ҳуқуқидан фойдаланиши мумкин бўлган тарзда тугатиш вақти келди, дея хулоса қилган у. “Замин” янгиликларини “Одноклассники”да кузатиб боринг