Хитой ҳарбий-денгиз флоти таркибига учинчи авиаташувчи кемаси — "Футзян" қабул қилинди. Кема қуролли кучлар сафида хизматга кирганини тасдиқлаш маросимида Хитой раиси Си Сзинпин иштирок этди.
Авиаташувчи тўлиқ Хитойда лойиҳалаштирилган ва қурилган бўлиб, унинг бортида палуба самолётларини учириш учун электромагнит катапульталар ўрнатилган. Синов режимида кема бортидан J-15T ва J-35 қирувчи самолётлари, шунингдек, KJ-600 эрта огоҳлантириш самолётлари учирилган.
"Футзян" Хитойнинг электромагнит катапульталар билан жиҳозланган илк авиаташувчиси ҳисобланади. Кема 2018 йил куз фасли охирида қурила бошланган ва тўрт йил ўтиб, сувга туширилган.
Авиаташувчи J-15, J-35 каби турли палуба қирувчи самолётларини қабул қилиш имкониятига эга. Эслатиб ўтамиз, Хитой ҳарбий-денгиз флоти таркибига "Футзян"дан ташқари яна иккита авиаташувчи кемаси киради: "Ляонин" ва "Шандун".
"Ляонин" собиқ Совет Иттифоқи даврида қурилган ва Украинанинг "Варяг" (илгариги "Рига") кемасидан қайта ишланган бўлса, "Шандун" эса унинг асосида қурилган.
