Исломободда маҳаллий вақт билан соат 12:39 да туман суди биноси ёнида теракт содир бўлди. BBC хабарига кўра, ҳодиса оқибатида 12 киши ҳалок бўлган, 27 киши жароҳатланган.
Ички ишлар вазири Моҳсин Нақвининг маълумотига кўра, ҳужумчи суд мажмуасига киришни режалаштирган, аммо полиция автомобили ёнида бомбани фаоллаштиришга мажбур бўлган. Покистон Президенти Асиф Али Зардари ушбу ҳужумни қоралади.
"Адвокатлар ва одамлар суд мажмуаси ичига қочишди", — деди ҳодиса вақтида автомобилини суд биноси яқинида тўхтатаётган адвокат Рустам Малик. Ҳодиса жойида ёнган автомобиль ва хавфсизлик чоралари кўрилгани кузатилди.
Гувоҳларнинг айтишича, ҳодиса жойида "тўлиқ тартибсизлик" ва одамларнинг қочаётганини кўришган.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
