Globe Soccer Award тақдирлаш маросими давом этар экан, “Энг яхши эркаклар клуби” номинациясида ғалаба французнинг “ПСЖ” жамоасига насиб этди. Бу ҳақда euro-football.ru хабар беради.
Бу йўналишда катта кутилмаган ҳолат кузатилмади: 2025 йил давомида парижликлар ҳақиқатан ҳам энг барқарор ва кучли клуб бўлди. “ПСЖ” мавсумни олти соврин билан якунлади — Лига 1, Франция кубоги, Франция суперкубоги, Чемпионлар лигаси, УЕФА суперкубоги ва Қитъаларо кубок.
Париж клуби учун йил давомидаги ягона жиддий омадсизлик Клублар ўртасидаги жаҳон чемпионатида қайд этилди: жамоа финалгача етиб борди, бироқ ҳал қилувчи баҳсда “Челси”га 0:3 ҳисобида имкониятни бой берди.
Шунингдек, Globe Soccer Award талқинига кўра, “ПСЖ” устози Луис Энрике йилнинг энг яхши мураббийи деб топилди.
“ПСЖ”нинг навбатдаги учрашуви 4-январ куни “Париж”га қарши бўлиб ўтади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
