Украина президенти Владимир Зеленский Миллий хавфсизлик кенгаши котиби Рустам Умеровни тинчлик музокаралари бўйича Украина делегацияси раҳбари этиб тайинлади. Ушбу делегация АҚШ, Украина халқаро ҳамкорлари ҳамда Россия вакиллари билан музокаралар олиб боради.
Расмий маълумотга кўра, музокараларнинг асосий мақсади "адолатли ва барқарор тинчликка эришиш"дир. Янгиланган делегация таркибига мамлакатнинг асосий давлат идоралари вакиллари киритилган.
Бундан аввал музокаралар гуруҳига президент офиси раҳбари Андрей Ермак бошчилик қилган эди. Зеленский томонидан чиқарилган махсус фармонга кўра, унинг ваколатлари бекор қилиниб, Ермак ўз хоҳиши билан жанговор қўшин сафига қўшилишга қарор қилгани айтилмоқда.
Умеровнинг ваколатлари кенгайтирилгани айтилмоқда. Сўнгги ойларда у халқаро алоқаларда Украина раҳбариятининг асосий вакилларидан бирига айланган.
Рустам Умеров Самарқанд вилоятининг Булунғур шаҳрида туғилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
