Ukraina prezidenti Vladimir Zelenskiy Milliy xavfsizlik kengashi kotibi Rustam Umerovni tinchlik muzokaralari bo'yicha Ukraina delegatsiyasi rahbari etib tayinladi. Ushbu delegatsiya AQSh, Ukraina xalqaro hamkorlari hamda Rossiya vakillari bilan muzokaralar olib boradi.
Rasmiy ma'lumotga ko'ra, muzokaralarning asosiy maqsadi "adolatli va barqaror tinchlikka erishish"dir. Yangilangan delegatsiya tarkibiga mamlakatning asosiy davlat idoralari vakillari kiritilgan.
Bundan avval muzokaralar guruhiga prezident ofisi rahbari Andrey Yermak boshchilik qilgan edi. Zelenskiy tomonidan chiqarilgan maxsus farmonga ko'ra, uning vakolatlari bekor qilinib, Yermak o'z xohishi bilan jangovar qo'shin safiga qo'shilishga qaror qilgani aytilmoqda.
Umerovning vakolatlari kengaytirilgani aytilmoqda. So'nggi oylarda u xalqaro aloqalarda Ukraina rahbariyatining asosiy vakillaridan biriga aylangan.
Rustam Umerov Samarqand viloyatining Bulung'ur shahrida tug'ilgan.
Mehmon guruhidagi foydalanuvchilar ushbu nashrga izoh qoldira olmaydi.
