"Манчестер Юнайтед" АПЛнинг 14-турида "Вест Хем"га қарши баҳсда ғалабани қўлдан бой берди. Мезбонларнинг ягона голини Диогу Далот киритди, аммо Магасса сўнгги дақиқаларда "Вест Хем"ни мағлубиятдан қутқариб қолди.
Учрашув юқори суръатда бошланди, иккала жамоа қанотлардан фаол ҳужумлар уюштирди. "Қизил иблислар" тўпни кўпроқ назорат қилиб, Диалло ва Мбеумонинг тезкор ҳужумлари орқали босим ўтказишга уринди.
Аммо "Вест Хем" ҳимоячилари ўз вақтида тўпни қайтаришга муваффақ бўлди. Биринчи бўлимда ҳисоб очилмади, гарчи Кунья ва Зиркзее бир неча марта хавфли вазиятлар яратган бўлса-да.
Иккинчи бўлимда мезбонлар ҳужумларни кучайтирди. 59-дақиқада Далот ҳисобни очди.
Диалло жарима майдонига тўп узатди, рикошетлардан сўнг тўп Далотга етиб борди ва у уни узоқ бурчакка аниқ йўллади. "Юнайтед" устунликни оширишга ҳаракат қилди, лекин "Вест Хем" ҳимояси босимга дош берди.
Лондонликлар мураббийининг ўзгаришлари ўйинни жонлантирди. Канте ва Ирвинг марказда ўйинни кучайтириб, ҳужумга урғу берди.
Боуэннинг бурчак зарбасидан сўнг тўп Мазрауининг оёғидан Магассага келиб тушди ва у бир зарб билан дарвозани ишғол қилди. Учрашув охирида иккала жамоа ҳам ғалаба қозонишга уринди, аммо ҳал қилувчи вазиятларда аниқлик етишмади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
