17:18 / 14.01.2019
4 549

Бишкекдан парвоз қилган «Боинг-707» Эронда қулади (фото, видео)

Бишкекдан парвоз қилган «Боинг-707» Эронда қулади (фото, видео)
Фото: Press TV
«Боинг-707» самолёти Теҳрон яқинида қулади. Бу ҳақда Эроннинг ILNA агентлиги хабарига таяниб Kun.uz хабар тарқатди.

Ҳалокат Эрон пойтахти яқинидаги Сафадашт шаҳри ёнида содир бўлган. Самолёт қулаган жойда қуюқ тутун кузатилмоқда, у ерга тезкор хизматлар - вертолёт ва ўндан зиёд тез тиббий ёрдам машинаси йўл олган.

«Ишончимиз комилки, лайнер йўловчи самолёт бўлмаган», - дея маълум қилди фавқулодда вазиятлар бўйича агентлик вакили Мижитаб Холидий.

Фото: Press TV

Нашр маълумотларига кўра, лайнер юк самолёти бўлган ва Бишкекдан Теҳрон яқинидаги Караж шаҳрига парвоз қилаётган эди. MEHR агентлиги хабарига кўра, у Kyrgizstan airlines авиакомпанияси томонидан фойдаланилган.

Бортда 16 нафар экипаж аъзоси бўлган. Учувчилар қутқарилди, экипажнинг икки аъзоси ҳалок бўлди, бир киши жароҳатланган, қолганларнинг тақдири номаълум. Ҳалокатга қўниш пайтида учувчининг ҳаракати сабаб бўлган бўлиши мумкин.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Бишкекдан парвоз қилган «Боинг-707» Эронда қулади (фото, видео)