Фото: Yandex
АҚШ президенти Доналд Трамп Хитой раҳбари ҳақида берилган саволга аниқ жавоб беришдан тийилди. Журналистлар унга Си Цзиньпин “диктатор”ми, деган савол билан мурожаат қилганида, Трамп бу масалада қатъий позиция билдиришдан қочган. Бу ҳақда ТАСС хабар берди.
Унинг таъкидлашича, Си Цзиньпин — Хитойнинг етакчиси ва давлат раҳбари ҳисобланади. Трамп уни шахсан ҳурмат қилишини, уни ақлли ва ўз мамлакатини севувчи раҳбар сифатида баҳолашини айтган.
“Мен уни диктатор деб ўйлайманми ёки йўқми — бу ҳақда аниқ ўйлаб кўрмаганман. У ҳукмдор, у Хитой президенти. Уни қандай баҳолаш — бу ҳар кимнинг ўз қараши,” — деди Трамп.
Шу билан бирга, у Си Цзиньпиннинг сиёсий ролини тўғридан-тўғри танқид қилиш ёки тасдиқлашдан қочиб, дипломатик ва эҳтиёткор жавоб бергани таъкидланмоқда.
Бу баёнот халқаро матбуотда турлича талқин қилиниб, АҚШ–Хитой муносабатлари ҳақидаги муҳокамаларни янада кучайтирди.
“Zamin”ни Telegram'да ўқинг!
