АҚШ Эрон уранини йўқ қилишдан кўра олиб кетмоқчи бўлгани маълум бўлди

АҚШ президенти Доналд Трамп 2025 йил июнь ойида Вашингтон Эрон ядровий иншоотларидан бойитилган уран захираларини олиб чиқиш имкониятини кўриб чиққанини маълум қилди. Унинг айтишича, бундай операция анча мураккаб ва вақт талаб қиладиган жараён бўлган.

Трамп Fox News телеканалига берган интервьюсида уранни олиб ташлаш учун америкалик мутахассислар Эрон ҳудудида тахминан бир ярим ҳафта қолиши керак бўлганини билдирди. У буни “душман ҳудудида қолиш учун жуда узоқ муддат” деб баҳолаган.

АҚШ раҳбарининг сўзларига кўра, бойитилган уранни ажратиб олиш жараёни гранит қатламларини бурғулашни талаб қилган. Трамп 2025 йил июнидаги зарбаларни эслаб, “гранит жуда қаттиқ бўлгани учун кучли бомбалардан фойдаланилганини” таъкидлади.

Шунингдек, у Эрон уранини назорат остида йўқ қилиш мумкинлигини, бироқ Вашингтон уни олиб чиқишни афзал кўришини айтди. Трампнинг фикрича, АҚШ охир-оқибат бу уран захираларини қўлга киритиши мумкин.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг