12:15 / 03.06.2021
2 523

Хитойга ёпирилган кучли торнадо 150 га яқин уйга зарар етказди (видео)


Фото: Видеодан кадр
Хитой шимоли-шарқидаги Хэйлунцзян провинциясининг Шанчжи шаҳрига 1 июнь куни торнадо ёпирилди. Табиий офат туфайли камида бир киши ҳалок бўлди, 16 киши жароҳатланди.

Шаҳар маъмуриятининг маълумотларига кўра, кескин об-ҳаво шароити туфайли Шанчжи шаҳридаги торнадо маҳаллий вақт билан соат 17:30 (Тошкент вақти билан соат 14:30) дан бошлаб, тахминан, 30 дақиқа давом этди ва тўртта қишлоқни қамраб олди. Кучли шамол ўз ортидан дўлни етаклаб келди.

Хабарга кўра, торнадо 148 уйга, қишлоқ хўжалиги ерларига ва фабрикаларга зарар етказди. Қишлоқларнинг 240 дан ортиқ аҳолиси эвакуация қилинди. Ҳодиса оқибатидаги иқтисодий зарар 5,12 миллион юанга (795,400 доллар атрофида) баҳоланмоқда.




Шифокорлар жабрланганлардан бирининг аҳволини оғир деб баҳоламоқда, қолганлари эса фақат енгил жароҳатлар олган.

arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг