Энг юқори маош тўланадиган беш йўналиш аниқланди

Россияда ўртача ойлик маош ўсишда давом этмоқда. Расмий маълумотларга кўра, 2025 йил май ойида бу кўрсаткич 99,4 минг рублни ташкил этди — ўтган йилга нисбатан 14,5% кўп. Бироқ айрим соҳаларда иш ҳақи бу рақамдан икки-уч баравар юқори, деб ёзмоқда Peopletalk.

Маош бўйича етакчи 5 соҳа:

• Трубопровод транспорти — 316,7 минг рубл.

• Нефть ва газ қазиб чиқариш — 225,9 минг рубл.

• Балиқчилик ва балиқ етиштириш — 209,7 минг рубл.

• Ҳаво ва космик транспорт — 201,4 минг рубл.

• Ишлаб чиқариш ва махсус техника операторлари — юқори даромадли йўналиш сифатида эътироф этилган.

Муттахассислар бу соҳалардаги юқори маошни уларнинг стратегик аҳамияти, экспорт салоҳияти ва юқори малакали кадрлар талаб этилиши билан изоҳлайди. Шу билан бирга, умумий ўртача маош билан солиштирганда фарқ сезиларли даражада катта.