Чехиялик таниқли балиқ овчиси Якуб Вагнер Вранов сув омборида ҳақиқий рекордни қайд этди — у узунлиги қарийб уч метр бўлган улкан лаққани қўлга олди.
4 август куни машҳур «Балиқ жангчиси» телешоуси бошловчиси қайиқда сузиб кетаётганда сув остидаги йирик сояни пайқаб қолган. Вагнер дарҳол тайёргарлик кўриб, овни бошлаган.
Улкан балиқ билан тўқнашув осон кечмади — жанг қарийб 50 дақиқа давом этди. Лаққа тезлик ва куч билан қаршилик кўрсатган бўлса-да, тажрибали овчининг маҳорати устун келди.
Вагнер балиқни қирғоққа чиқаргач, унинг ҳайратланарли ўлчамлари кўпчиликни лол қолдирди. Эсдалик учун суратга тушган овчи экотуризм қоидаларига риоя қилиб, улкан лаққани яна сувга қўйиб юборди.
Мутахассисларнинг айтишича, бу каби йирик лаққалар Европа сувларида жуда кам учрайди ва уларни тирик қолдириш табиий муҳит учун катта аҳамиятга эга.
«Замин»ни Telegram’да ўқинг!
