Жаҳон соғлиқни сақлаш ташкилоти (ЖССТ) «Келажак саломатлиги» номли мурални тақдим этди. Ушбу мурал ўзбек онаси ва боласига бағишланган бўлиб, 7 ноябр куни очилиш маросими бўлиб ўтди.
Мазкур мурал Тошкентдаги Республика ихтисослаштирилган илмий-амалий тиббиёт маркази – она ва бола саломатлигини муҳофаза қилиш маркази деворида жойлашган. Мазкур очилиш ЖССТнинг «Соғлом ҳаёт бошланиши – фаровон келажак гарови» кампаниясини якунлаш доирасида амалга оширилди.
Ушбу мурал оналар ўртасида соғлом турмуш тарзини тарғиб қилиш мақсадида яратилган. «Она ва бола саломатлигини муҳофаза қилиш – бу фақат тиббиёт муассасаларининг эмас, балки бутун мамлакат ва жамиятнинг устувор вазифасидир», – деди Ўзбекистон соғлиқни сақлаш вазири ўринбосари Элмира Баситхонова.
