Ўзбекистон Президенти Шавкат Мирзиёев Сирдарё вилояти халқ депутатлари кенгашининг навбатдан ташқари сессияси давомида Гулистонда газ баллони портлаши оқибатида ҳалок бўлганларнинг оилаларига чуқур ҳамдардлик билдирди ва уларга моддий ёрдам кўрсатишни топширди. Ҳар бир оилага 100 миллион сўмдан маблағ ажратилади ва ушбу маблағлар уч кун ичида етказилиши лозим.
Эслатиб ўтамиз, 2 декабрь куни Гулистонда газ баллони портлаши содир бўлган эди. Ҳодиса натижасида 29 киши жароҳатланган, улардан уч нафари ҳалок бўлган.
Мазкур воқеа юзасидан ҳуқуқ-тартибот органлари томонидан жиноят иши қўзғатилган ва бир киши қўлга олинган. 4 декабрь куни Президент Шавкат Мирзиёев Сирдарёга ташрифи давомида портлашдан зарар кўрганларни шахсан бориб кўргани ҳақида хабар берилди.
Меҳмон гуруҳидаги фойдаланувчилар ушбу мақолага изоҳ қолдира олмайди.
