«Барселона» Белгия «Генк» клубининг марказий ҳимоячиси Ювенлси Онстейнни сафига қўшиб олишни режалаштирмоқда. Инсайдер Маттео Моретто хабарига кўра, томонлар трансфер шартлари бўйича келишувга яқин, 18 ёшли футболчининг ўзи ҳам «кўк-анорранглилар» таклифига розилик билдирган. Бу ҳақда euro-football.ru хабар беради.
Нидерландиялик истеъдод ҳозирча «Генк»нинг иккинчи жамоаси сафида тўп суради ва асосий таркибда дебют қилмаган. Шунга қарамай, Каталония клуби унинг салоҳиятига ишонмоқда ва футболчини босқичма-босқич ўстиришга қаратилган узоқ муддатли режа устида ишламоқда.
Онстейн «Ёнг Генк» сафида Белгия иккинчи лигасида 20 учрашувда майдонга тушган. Марказда ўйнашдан ташқари, у ҳимоянинг чап қанотида ҳам ҳаракат қила олади. Аввалроқ у «Аякс» академиясида таҳсил олган, Transfermarkt портали эса футболчини 200 минг еврога баҳоламоқда.
“Zamin”ни Telegram'да ўқинг!
