Тошкент шаҳри ва унинг туманлари ҳокимлари маҳаллий кенгашлар билан келишган ҳолда, бўш маблағларни депозитларга жойлаштириш имкониятига эга бўлади. Бу ғоя президент Шавкат Мирзиёев томонидан таклиф қилинди.
Шаҳар кенгашига бюджет даромадлари ошиғидан 20 фоиз маблағни туманларни ривожлантиришга йўналтириш ҳуқуқи берилади. Шунингдек, Тошкент шаҳрига кўпроқ ҳуқуқ ва молиявий имкониятлар берадиган "Пойтахт мақоми тўғрисида"ги қонун қабул қилинади.
Ушбу қонун маблағларнинг тақсимланиши, шаҳар ва туман хизматларининг бошқарилиши ҳамда пойтахтнинг ҳуқуқлари каби масалаларни белгилайди. 2026 йилдан бошлаб Тошкентда янги "маҳалла еттилиги" тизими жорий этилади.
Бу тизим тўлиқ шаҳар ҳокимлиги тасарруфига ўтказилиб, аҳолининг амалий турмуш муаммоларини ҳал қилишга кўмаклашади, фақатгина ҳисоботлар йиғиш билан чекланмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
