Ўзбекистонда қурилиш ва реконструкция жараёнида аниқланган қоидабузарликлар ортидан 115 та уйни бузиш масаласи кўтарилди. Бу ҳақда бош прокурор ўринбосари Дилмурод Қосимов маълум қилди.
Шунингдек, биноларнинг сейсмик талабларига мос келмаслиги билан боғлиқ ҳолатлар юзасидан ҳуқуқни муҳофаза қилувчи органлар 98 та жиноят ишини қўзғатган.
Қосимовнинг айтишича, 2017–2025 йиллар давомида мамлакат бўйича 11,8 мингта кўп қаватли уй-жойларнинг зилзилабардошлиги текширилди. Назорат ишлари давомида 185 та бинода қўшимча қаватлар ноқонуний қуриб қўйилгани, яна 1,4 мингта турар жой эса белгиланган тартибда рўйхатдан ўтказилмагани аниқланган.
Прокуратура 85 та лойиҳа ташкилотига нисбатан чоралар кўриш бўйича тақдимнома киритган, шундан 8 тасининг лицензияси бекор қилинган.
“Zamin”ни Telegram'да ўқинг!
