Тошкент шаҳрида коронавирусга чалиниб, 2 июль куни ўта оғир ҳолатда реанимация бўлимига ётқизилган 59 ёшли эркак оламдан ўтди.
Соғлиқни сақлаш вазирлиги Тошкентда коронавирус инфекциясига чалинган ва сурункали касалликлардан даволаниб келган бемор вафот этгани ҳақида хабар берди.
«Тошкент шаҳрида яшовчи 59 ёшли Ғ.Б. жорий йил 2 июль куни ўта оғир ҳолатда пойтахтимиздаги И.Иргашев номли 4-сон шаҳар клиник шифохонасининг реанимация бўлимига ётқизилган ва сунъий нафас бериш аппаратига уланган.
Унга «Юрак ишемик касаллиги, қандли диабет, сурункали буйрак етишмовчилиги, инфарктдан кейинги кардиосклероз, икки томонлама пневмония» ташхиси қўйилган.
Шунингдек, беморда шу куни коронавирус инфекцияси ҳам аниқланган.
Бемор (эркак киши) охирги 7 йил давомида юрак ишемик касаллиги, қандли диабет, сурункали буйрак етишмовчилиги ташхиси билан даволаниб юрган. Доимий гемодиализ муолажасини олиб турган.
Жорий йил 2 июль куни шифокорлар томонидан стандарт асосида кўрсатилган тезкор реанимацион муолажаларга қарамасдан бемор ўткир юрак-қон томир ва ўпка етишмовчилигидан вафот этди», дейилади Соғлиқни сақлаш вазирлиги Жамоатчилик билан алоқалар бўлими хабарида.
Ўзбекистонда сўнгги марта 1 июль куни коронавирусдан ўлим ҳолати қайд этилганди - Қашқадарёда 64 ёшли эркак коронавируснинг Ўзбекистондаги 27-қурбонига айланганди.
Шу вақтгача Тошкентда 14, Наманганда 4, Самарқандда, Сурхондарё ва Жиззахда 2тадан, Фарғона, Бухоро ва Қашқадарёда биттадан ўлим рўй берганди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Россия дунёдаги биринчи водород ёқилғили автомобилни тақдим этди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Эрон президенти жиддий баёнот берди: «Исроилдан ҳеч нарса қолмайди»
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?