Фарғонада 29 ёшли ўғил пул учун ўз онасини ўлдирди
Фарғона вилоятида содир бўлган молиявий низо оқибатида 29 ёшли тўнғич фарзанд ўз онасини болта ва пичоғ ёрдамида шафқацизларча қатл этди. Жиноят ишлари бўйича Данғара туман суди томонидан кўриб чиқилган мазкур иш юзасидан судланувчи Жиноят кодексининг 97-моддаси 2-қисми “ж” бандида назарда тутилган жиноятда айбли деб топилди. Суд ҳукмига кўра, у 18 йил муддатга умумий тартибли колонияларда ўтиши белгиланган ҳолда озодликдан маҳрум қилинди.
Фарғона вилоятида 29 ёшли ўғил пул низоси оқибатида ўз онасини болта билан ўлдирди. Бу ҳақда Миллар хабар берди.
Суд ҳужжатларига кўра, воқеа содир бўлган куни соат 08:00 лар атрофида уч нафар фарзанднинг онаси бўлган марҳум аёл ҳамда унинг тўнғич фарзанди — айбланувчи ўртасида молиявий сабабли тортишув юз берган. Жанжал давомида айбланувчи қўлидаги болта билан онасининг бош қисмини бир неча маротаба уриб, унга жиддий тан жароҳати етказган. Кейин у хўжалик пичоғи билан онасининг бошини танасидан ажратиб олган.
Шундан сўнг айбланувчи марҳумнинг танасини томорқасининг бир бурчагига, бош қисмини эса ҳожатхонанинг орқа томонига кўмиб қўйган ва яширинган ҳолда воқеа жойидан кетган.
Мазкур иш Жиноят ишлари бўйича Данғара туман суди томонидан кўриб чиқилган. Судланувчи Жиноят кодексининг 97-моддаси 2-қисми “ж” бандида назарда тутилган қасддан одам ўлдириш жиноятида айбли деб топилди ва унга 18 йил муддатга озодликдан маҳрум қилиш жазоси тайинланган. Тайинланган жазо умумий тартибли колонияларда ўтиши белгиланган.
Изоҳлар 0
…